Mattilsynets hovedprioriteringer innen planter og dyrking i 2024

Plantehelserisiko ved flytting av jord

Det er viktig for Mattilsynet at du som flyttar eller arbeider med jord er kjend med sykdomsrisikoane ved dette. 

Kvifor prioriterer Mattilsynet dette i 2024?  

Vi vil bidra til at dei som flyttar jord er kjent med krav i regelverket og kva som er konsekvensen dersom alvorlege planteskadegjerarar blir spreidd med flytting av jord. 

Korleis planlegg Mattilsynet å arbeide med dette?  

Vi vil gjere det lettare å finne oppdatert informasjon om flytting av jord på våre nettsider. Vi vil sende informasjonsbrev til dei som arbeider med reguleringsplanar, anleggsarbeid og flytting av jord. I tillegg vil vi informere via fagtidsskrift og i samarbeid med andre etatar. 

Kva betyr dette for deg? Kva kan du/verksemda di forvente?  

Du som flyttar jord eller arbeider med jord vil kunne få besøk frå Mattilsynet der vi orienterer om krav i regelverket og konsekvens ved spreiing av skadegjerarar med jord. Du vil også finne oppdatert informasjon om dette temaet på våre nettsider. 

Risiko for spredning av planteskadegjørere og floghavre i forbindelse med anleggsarbeid

Plantehelserisiko ved omsetnad av planter

Mattilynet planlegg å fokusere på informasjon rundt plantehelserisiko ved omsetnad av planter i 2024.

Kvifor prioriterer Mattilsynet dette i 2024?  

Omsetnad av planter representerer risiko for spreiing av planteskadegjerarar. I dag vert det omsett planter via butikkar som ikkje har kompetansekrav, registreringsplikt eller krav om internkontroll etter plantehelseforskrifta. Mattilsynet prioriterer informasjon for å auke kunnskapsnivået, bidra til omsetnad av friske planter og unngå spreiing av alvorlege planteskadegjerarar. 

Korleis planlegg Mattilsynet å arbeide med dette?  

Vi lagar informasjon om plantehelserisiko og plikter, og finn rett kanal for å nå ut til næringa med denne. Vi avklarar om det er behov for framtidig endring i krav om registrering og internkontroll plantehelse for verksemder som omset planter. 

Kva betyr det for deg - kva kan du/verksemda di forvente?  

Du kan forvente informasjon frå Mattilsynet om plantehelserisiko ved omsetnad av planter og om dine plikter knytt til dette. 

Plantehelserisiko og rett bruk av plantevernmiddel i primærproduksjon av frukt og bær

Målet for 2024 er å hindre introduksjon og spreiing av planteskadegjerarar gjennom målretta informasjon.

Kvifor prioriterer Mattilsynet dette i 2024?  

Vi bidrar til at produsentar av frukt og bær er i stand til å hindre introduksjon og spreiing av alvorlege planteskadegjerarar, og at dei brukar lovlege plantevernmiddel på rett måte. Spreiing av skadegjerarar, og feil bruk av plantevernmiddel har betydelege negative konsekvensar både i primærproduksjonen og for naturmiljø. 

Korleis planlegg Mattilsynet å arbeide med dette?  

Vi vil gjennomføre ei anonym undersøking blant frukt- og bærprodusentar for å avdekke kvifor plantevernmiddel nokre gonger ikkje vert brukt på rett måte, og få kjennskap til kunnskapsnivået om planteskadegjerarar. Deretter vil vi lage målretta informasjon om skadegjerarar i frukt og bærproduksjon, og om konsekvensane ved feil bruk av plantevernmiddel. Mattilsynet vil dele informasjonen direkte med produsentane, delta på samlingar, samarbeide med rådgjevingstenesta og publisere i fagtidsskrift og på sosiale medium. 

Kva betyr dette for deg? / Kva kan du/ varsemda di forvente?  

Du som har frukt- eller bærproduksjon kan få eit spørjeskjema frå Mattilsynet som i vonar du vil svare på. Du vil også få informasjon om plantehelserisiko og rett bruk av plantevernmiddel i produksjonen i ulike kanalar.