• The page is not available in English. Go to English homepage

    • PFAS i drikkevatn

    Drikkevass­forskrifta krev at vassverks­eigarar kartlegg og vurderer behovet for å redusere konsentrasjonen av PFAS i det ferdige drikke­vatnet.

    Publisert

    PFAS ei forkorting for per- og polyfluoralkyl­stoff. Det er per i dag meir enn 10 000 PFAS-ar.

    1. januar 2026 blei det innført grense­verdi for sum 4 PFAS (summen av PFOA, PFNA, PFHxS og PFOS) i drikkevatn i Noreg. Grense­verdien er på 4 ng/l.

    Det er viktig at vassverks­eigarar kjenner til status på overvaking for PFAS og har oppdatert kunnskap om kor PFAS kan påvisast.

    For vassverks­eigarar kan det vere nyttig å ta kontakt med eit laboratorium og bransje­organisasjonar, som Norsk Vann, for meir informasjon om prøve­taking og analysar.

    I EUs reviderte drikkevass­direktiv er det lagt inn ein grenseverdi på 100 ng/l for summen av 20 PFAS. I EU blei denne grense­verdien gjeldande frå 12. januar 2026. Det reviderte drikkevass­direktivet må bli inkludert i EØS-avtalen og tatt inn i den norske drikkevass­forskrifta før denne grenseverdien blir gjeldande i Noreg. Det er derfor foreløpig ikkje kjent når grenseverdien for 20 PFAS blir gjeldande i Noreg.