Dyrehaldaren skal vere kompetent
Alle dyrehaldarar skal ha tilstrekkeleg kompetanse til å sikre dyra god nok velferd. Plikta til å vere kompetent følger av dyrevelferdslova § 6 og forskriftene om dyrevelferd.
Med «kompetanse» meiner ein både evne og vilje til å behandle dyra godt. Dyrehaldarane skal ha kunnskap, ferdigheiter, økonomi, ressursar, personell og personlege føresetnader for å kunne gi dyra god nok velferd. I tillegg skal dyrehaldarane ha empati med dyr og gode haldningar til dyrevelferd.
Dyrehaldarar med beitedyr skal ha evne og vilje til å passe godt nok på dyra. Mangel på for eksempel pengar, ressursar og personell fritar ikkje dyrehaldaren frå dei pliktene som følger av dyrevelferdslova og forskriftene om dyrevelferd.