Mink og koronavirus
Du må melde frå viss du held mink og mistenker utbrot av koronavirus på dyra dine.
Mistanke om smitte er meldepliktig
Mistanke om infeksjon med SARS-CoV-2 (covid-19) hos mink er meldepliktig i Noreg. Viss mink har symptom på infeksjon med koronavirus, ta kontakt med veterinær og Mattilsynet. Mattilsynet overvakar no dyrehelsa hos mink i samarbeid med Veterinærinstitutttet og Norges Pelsdyralslag.
Symptom hos mink
Symptom på koronainfeksjon hos mink er diaré, oppkast eller luftvegssymptom som ikkje kan tilskrivast ein annan årsak.
Sjå spesielt etter dei følgande symptoma:
- diaré og oppkast
- forsert eller anstrengt respirasjon
- respirasjon med open munn
- vandig utflod frå nasen
- rennande auge
- at dyret verkar nedstemt eller sløvt
I tillegg til desse symptoma kan SARS-CoV-2 hos mink føre til auka dødelegheit i farmen.
Tiltak ved påvist koronasmitte på mink
Korleis ein eventuelt vil handtere eit smittetilfelle i ein minkfarm i Norge, vil bli vurdert utfrå både dyre- og folkehelsemessige perspektiv. Informasjonen og erfaringane frå andre land vil vere ein del av kunnskapsgrunnlaget.