Kartlegging av bakteriebladflekk på jordbær, Xanthomonas fragariae (2025)
Mattilsynet har i 2025 kartlagt førekomsten av Xanthomonas fragariae, bakterien som er årsak til plantesjukdommen bakteriebladflekk på jordbær. Det er gjort eitt funn. Resutata tyder på låg førekomst i Noreg, men viser at import av jordbærplanter framleis inneber ein risiko for introduksjon.
- Kva blei undersøkt?
Totalt 141 prøvar frå plante- og jordbærproduksjon i ulike delar av Noreg, både frå friland og tunellproduksjon.
- Tidsrom
- Frå mai til september 2025
- Kva leita vi etter?
Xanthomonas fragariae
- Kva fann vi?
Eitt tilfelle av latent smitte av Xanthomonas fragariae i sorten «Malwina». Feltet var etablert i 2024 med planter importerte frå Tyskland. Andre prøvar frå same leverandør og parti var negative.
Bakterien er tidlegare berre påvist éin gong i Noreg (2018), også då som latent smitte i importerte planter. Funna tyder på låg førekomst i Noreg, men at import av jordbærplanter framleis inneber ein risiko for introduksjon.
- Kven utførte oppdraget?
Mattilsynet stod for prøvetakinga, medan Norsk institutt for bioøkonomi (NIBIO) analyserte prøvane.
Gå til rapporten frå NIBO: Overvåkings- og kartleggingsprogram for Skadegjørere i jordbær 2025 - Xanthomonas fragariae (nva.sikt.no)