Norsk offisiell sortsliste
Norsk offisiell sortsliste viser dei plantesortane som er godkjente for sertifisert produksjon av såvarer og settepoteter i Noreg.
Ein plantesort som skal godkjennast for sertifisert produksjon og oppførast på norsk sortsliste, må ha bestått nyheitsprøving (DUS-test). Sortar av jordbruksvekstar (korn, fôrvekstar og poteter) må i tillegg ha gjennomført verdiprøving som viser at dei har ein tilfredsstillande dyrkings- og bruksverdi i Noreg. Sorten må også ha eit godkjent namn og ein ansvarleg vedlikehaldar.
Lista viser også sortar som er godkjente som bevaringsverdige sortar og tradisjonssortar av grønsaker. For desse sortane gjeld andre godkjenningskrav: Godkjenning av plantesortar
Sortar av potet som står oppført på EU sin felles sortsliste over godkjente plantesortar, men som ikkje er verdiprøvde og godkjente i Noreg, kan etter søknad registrerast for settepotetproduksjon i Noreg etter settepotetforskrifta § 5. Ei oversikt over desse sortane finst bakarst i sortslista.
Gjeldande norsk offisiell sortsliste
Norsk offisiell sortsliste blir vanlegvis gitt ut fem gonger i året:
- 30. januar
- 30. mars
- 30. mai
- 30. august
- 30. november
Sjå siste utgåve av Norsk offisiell sortsliste og arkiv over tidlegare utgåver: Gjeldande norsk offisiell sortsliste
Endringar i sortslista blir kunngjorde i Offisiell informasjon om planteforedlerrett og nasjonal sortsliste (plantesortsnemnda.no)
EU si felles sortsliste: EUPVP - Common Catalogue
EU si felles sortsliste viser alle sortar som det er tillate å marknadsføre såkorn og såfrø av i EU/EØS-området.