Utveksling av informasjon mellom Mattilsynet og landbruksforvaltinga i saker om dyrevelferd
Mattilsynet og Landbruksdirektoratet samarbeider og utvekslar informasjon. Rutinane for utvekslinga av informasjon i dyrevelferdssaker er vedlegg til den generelle samarbeidsavtalen mellom etatane.
Formålet med rutinane er å sikre god informasjonsflyt mellom Mattilsynet og landbruksforvaltinga (det vil seie landbrukskontoret i kommunen, landbruksavdelinga hos Statsforvaltaren og/eller Landbruksdirektoratet) i saker der det ligg føre brot på regelverket for dyrevelferd. Rutinane gjeld informasjon om dyrehald med produksjonsdyr og om slakteri.