EFSA-risikovurderingar: sjukdomsframkallande mikroorganismar i frukt, bær og grønsaker
I april 2020 publiserte EFSA (European Food Safety Authority) ei risikovurdering knytt til Listeria monocytogenes i frosne frukt og grønsaker som blir forvella før innfrysing.
Risikovurderinga blei laga som ei følge av eit større internasjonalt utbrot med listeriose forårsaka av frosen mais frå Ungarn.
EFSA identifiserte fleire kontrollaktivitetar som produsentar kan sette i verk for å redusere risikoen, blant dei
- reingjering og desinfeksjon av produksjonsmiljøet
- vass-, tids- og temperaturkontroll ved ulike produksjonstrinn
- korrekt merking av produkta
Les risikovurderinga: EFSA 2020: The public health risk posed by Listeria monocytogenes in frozen fruit and vegetables including herbs, blanched during processing (efsa.europa.eu)
Farar knytte til sjukdomsframkallande mikroorganismar
I 2013 og 2014 publiserte EFSA seks rapportar om farane knytte til sjukdomsframkallande mikroorganismar i frukt, bær og grønsaker.
Del 2:
- Salmonella and Norovirus in leafy greens eaten raw as salads (efsa.europa.eu)
- Salmonella and Norovirus in berries (efsa.europa.eu)
- Salmonella and Norovirus in tomatoes (efsa.europa.eu)
- Salmonella in melons (efsa.europa.eu)
- Salmonella, Yersinia, Shigella and Norovirus in bulb and stem vegetables, and carrots (efsa.europa.eu)
Bakteriar i spirer
I 2011, etter det store utbrotet med shigatoksinproduserande E. coli (STEC) i spirer i Tyskland og Frankrike, utarbeidde EFSA ei risikovurdering for STEC og andre sjukdomsframkallande bakteriar i spirte frø (spirer, skot og karse).
Frøa kan forureinast med sjukdomsframkallande bakteriar under produksjon, lagring og distribusjon, for eksempel via forureina vatningsvatn eller jord.
Spireprosessen med høg varme og fukt gir gode vekstvilkår for bakteriar som finst på frøa.
Les risikovurderinga: Scientific Opinion on the risk posed by Shiga toxin-producing Escherichia coli (STEC) and other pathogenic bacteria in seeds and sprouted seeds