Kvalitet på rå mjølk ved produksjon av lokalmat
God kvalitet på mjølka er grunnleggjande for å få eit trygt produkt, særskilt ved upasteurisert produksjon.
Det er mange forhold som er viktige, og du må blant anna hugse på å
- ha god fôrkvalitet
- ha friske dyr og god oversikt over eventuelle smittsame sjukdommar i besetninga
- førebyggje jurbetennelse og overvake jurhelsa, til dømes ved å bruke Schalm-test
- ha god kontroll med medisinbruk og tider for å halde tilbake mjølka
- passe på at personar som er i kontakt med dyra, er fri for smitte (ver særskilt merksam på personar med ukjend smittestatus, og etter besøk i husdyrhald i utlandet anbefaler vi å vente 72 timar før ein har kontakt med husdyrbesetning)
- ha gode rutinar for bruk av smittesluse
- ha reint mjølkerom og mjølkeutstyr, og leggje godt til rette for handvask
- sørge for god hygiene ved mjølking (til dømes reine jur og dyr, reint utstyr og mjølkeområde, reine hender)
- sørge for rask nedkjøling i mjølketank og ha kontroll med at mjølka er kald