Rømme for sal på stølen
Fleire stølar sel eller serverer små mengder eigenprodusert rømme om sommaren. Ofte er rømmen av rå mjølk og i avgrensa mengde.
Du må registrere dette i Mattilsynet si skjemateneste. Det skal vere gode rutinar for orden og reinhald, og du må vite korleis du skal unngå kryssforureining mellom dei ulike oppgåvene du gjer for å lage rømme.
Sjølve syrninga er det særleg viktig å ha styring på. Det gir god styring å skrive ned pH og temperatur for kvar syrning. Registrering av kvar dagsproduksjon med dato og mengde sikrar kontroll med sporing og rett merking av haldbarheit.