Mattilsynets kontroll av plantevernmiddelrestar i mat
Mattilsynet har det overordna ansvaret for å føre tilsyn med plantevernmiddelrestar i mat, og vi har eit løpande overvakings- og kontrollprogram for plantevernmiddelrestar i næringsmiddel der det årleg blir cirka tatt ut 1150 prøver av frukt, grønsaker, korn, barnemat med meir.
Vis endring
- Teksten er skrevet om
Det er lagt informasjon om at det er en betydelig høyere risiko for overskridelser av grenseverdier og høyere risiko for plantevernmiddelrester i importerte produkter enn i produkter som er produsert i Norge eller EU/EØS.
Prøvene blir tatt ut hos importørar, grossistlager, butikkar, dyrkarar og torg.
I tillegg blir det tatt årleg cirka 150 prøver av økologiske produkt i eit eige kontrollprogram. Nokre av desse prøvene blir tatt ut av Debio på vegner av Mattilsynet.
Analyse av plantevernmiddelrestar blir gjort av dei delane av matvara som grenseverdien gjeld for, og dette inkluderer vanlegvis heile produktet som for eksempel skal (unntak for nøtter), også for frukt og grønsaker der skalet vanlegvis ikkje blir ete.
Viss vi finn for mykje restar av plantevernmiddel, vil Mattilsynet krevje at partiet blir trekt frå marknaden. Mattilsynet kan også velje å gjennomføre ein retta kontroll av neste vareparti med same produkt/opphav (produsent). Ved ein retta kontroll står varepartiet sperra inntil analysesvara er klare.
Resultata frå Mattilsynets kontroll og andre lands resultat viser at det er ein mykje høgare risiko for overskridingar av grenseverdiar og høgare risiko for plantevernmiddelrestar i importerte produkt (frukt, grønsaker og andre vegetabilske produkt). Desse produkta blir vurderte i noko større grad til å kunne medføre mogleg akutt helsefare for forbrukar.
For nokre produkt frå bestemte opphavsland er det problem med gjentakande overskridingar av grenseverdiar for plantevernmiddelrestar. For visse importerte ikkje-animalske risikoprodukt frå desse landa er det derfor krav om auka importkontroll og dokumentasjonskrav.
Det er sjeldan nokon akutt helsefare knytt til restar av plantevernmiddel i produkt som er dyrka i Noreg og i EU-landa.