Prøvetaking og grenseverdi – tiltak mot Listeria i røykt og grava laks og aure
For å verifisere at tiltaka for å hindre Listeria i produkta fungerer, skal du ta regelmessige prøver av ferdigvarene. Prøvetakingsplanen må ivareta risikoen som er knytt til produktet.
Spiseferdige næringsmiddel er delt inn i tre næringsmiddelkategoriar:
1.1 - næringsmiddel berekna på spedborn og næringsmiddel til medisinsk formål
1.2 – næringsmiddel der Listeria monocytogenes kan vekse
1.3 - næringsmiddel der Listeria monocytogenes ikkje kan vekse
Fersk røykt/grava laks og aure vil kome inn under kategori 1.2. Fryste produkt fell inn under kategori 1.3, dersom produktet blir omsett med ei haldbarheitstid på maksimalt 5 dagar etter tining.
I kategori 1.2 er det to ulike grenseverdiar:
- 100 kde/g: Gjeld dersom verksemda kan dokumentere at produktet ikkje vil overskride grenseverdien på 100 kde/g ved utløp av haldbarheitstida.
- Fråvær i 25 g: Gjeld dersom verksemda ikkje kan dokumentere at produktet ikkje vil overskride grenseverdien på 100 kde/g ved utløp av haldbarheitstida. Denne grenseverdien gjeld mens produktet er under kontroll hos verksemda som har framstilt produktet.
For meir informasjon om grenseverdi for Listeria monocytogenes, sjå:
- Veileder til regelverk om mikrobiologiske kriterier
- Veileder - valg av grenseverdi for spiseferdig fisk og sjømat der listeria monocytogenes kan vokse