• The page is not available in English. Go to English homepage

    • Naturfrøblandingar

    Ei naturfrø­blanding er i såvare­forskrifta definert som "en frøblanding med ulike arter produsert for revegeteringsformål, og sammensatt slik at den kan bidra til å bevare plante­genetiske ressurser i natur­miljøer".

    Publisert

    Blandinga inneheld minst ein av artane som står oppførte i vedlegget til såvare­forskrifta A1, Jordbruks­vekster, punkt II Fôrvekster og gras til grøntanlegg, nr. 1 til 3. Den som ønsker å omsette såvare av naturfrøblandingar, må søke Mattilsynet om løyve etter såvare­forskriftas § 21c.

    Søknaden om løyve skal innehalde

    • namnet og adressa til produsenten
    • haustemetode (direkte innsamla eller oppformert)
    • kjeldeområde og innsamlingsstad
    • naturtype på innsamlingsstaden
    • året frøet blei samla inn (gjeld oppformert naturfrø­blandingar) eller skal samlast inn (gjeld direkte hausta naturfrøblandingar) i kjeldeområdet
    • opplysingar om prosentdel i vekt av artar og eventuelt under­artar (for direkte innsamla blandingar blir berre oppgitte artar som er typiske for naturtypen på innsamlings­staden, og som ved å inngå i blandinga har noko å seie for bevaring av plante­genetiske ressursar)
    • lokalitet på planlagt areal for såvareproduksjon (gjeld oppformert naturfrø­blandingar)

    Naturfrø­blandingar skal tilfredsstille vilkår for omsetning av naturfrø­blandingar.

    Vilkår for omsetning av naturfrøblandingar

    Direkte innsamla naturfrøblandingar:

    • Frøblandinga skal vere hausta på ein stad (innsamlings­staden) i eit kjelde­område som ikkje har vore tilsådd siste 40 åra før søknaden blir fremja. Kjelde­området skal vere i opphavs­området for blandinga.
    • Frøa kan reinsast før omsetning.
    • Prosentdelen av artar som er typiske for naturtypen på innsamlings­staden og av betyding for bevaring av plante­genetiske ressursar, skal vere tilstrekkeleg til å kunne attskape naturtypen på innsamlingsstaden.
    • Spireevna til artane omtalt i bokstav c skal dokumenterast og vere tilstrekkeleg til å kunne attskape naturtypen på innsamlingsstaden.
    • Blandinga kan maksimalt innehalde 1 % i forhold til vekt, av artar som ikkje har noko å seie for bevaring av dei plante­genetiske ressursane.
    • Blandinga skal ikkje innehalde frø av Avena fatua L, Avena sterilis, Cuscuta spp. og Echinochloa crus-galli.
    • Blandinga kan maksimalt innehalde 0,05 % i forhold til vekt av andre Rumex spp. enn Rumex acetosella og Rumex maritimus.
    • Prøvetaking og analysar som ligg til grunn for vurdering av krava i bokstav c til g, skal vere gjorde i samsvar med § 14.

    Oppformerte naturfrøblandingar:

    • Frø av enkeltartar skal vere hausta på ein stad (innsamlings­staden) i eit kjelde­område som ikkje har vore tilsådd siste 40 år før søknaden blir fremja, og oppformert skilt frå kvarandre ein annan stad enn på innsamlingsstaden. Kjelde­området skal vere i opphavs­området for blandinga.
    • Frøa kan maksimalt vere oppformerte i fem generasjonar.
    • Frøblandinga skal innehalde artar omtalt i bokstav a, som er typiske for naturtypen på innsamlings­staden og av betyding for bevaring av plante­genetiske ressursar.
    • Såvarer av dei artane i frøblandinga som står oppført i vedlegg A1, Jordbruksvekster, punkt II Fôrvekster og gras til grøntanlegg, nr. 1 til 3, skal oppfylle krava til handelsfrø når det gjeld reinleik og innblanding av andre artar.
    • Opplysingar om spireevna til kvar enkelt art skal dokumenterast.
    • Blandinga skal ikkje innehalde frø av Avena fatua L, Avena sterilis, Cuscuta spp. og Echinochloa crus-galli.
    • Blandinga kan maksimalt innehalde 0,05 % i forhold til vekt, av andre Rumex spp. enn Rumex acetosella og Rumex maritimus.
    • Prøvetaking og analysar som ligg til grunn for vurdering av krava i bokstav d til g, skal vere gjorde i samsvar med § 14.

    Prøvetaking og laboratorieanalyse av såvarepartia

    Prøvetaking av såvarepartia for laboratorie­kontroll skal gjennomførast av Mattilsynet eller av prøvetakar autorisert av Mattilsynet.

    Prøvetakinga skal gjennom­førast i samsvar med International Seed Testing Association (ISTA) sine metodar for prøvetaking.

    Prøvetaking av såvarer

    Analysar av såvareparti skal utførast av eit offentleg laboratorium eller laboratorium autorisert av Mattilsynet. Laboratoriet skal vere akkreditert av ISTA.

    Laboratorieanalyse av såvarepartier

    Ved omsetning skal kvar pakning ha ein vare­deklarasjon på norsk, enten som ein etikett eller trykt eller påstempla utanpå pakninga. Dersom pakninga er gjennomsiktig, kan vare­deklarasjonen leggjast inne i pakninga.

    Varedeklarasjonen skal oppfylle krava i vedlegg E.

    Krav til merking av såvarer

    Fristar

    Såvareforretninga skal innan følgjande fristar gi Mattilsynet melding om:

    15. februar

    Oversikt over omsett mengde såvarer av naturfrø­blandingar (kg per sort) siste året.

    Søknad om tillatelse til omsetning av naturfrøblanding