Sal av kjøtt eller produkt frå eigne dyr
Som gardbrukar kan du sjølv selje produkt eller stykkingsdelar frå eigne dyr. Her finn du informasjon om nokre reglar som gjeld dette.
Du skal ha eit styringssystem for mattryggleik som er tilpassa aktiviteten du har.
Dyra må slaktast på godkjend slakteri, og skrotten skal ha påført stempelmerke. Ved transport både frå slakteriet og ut til kunden, må du ivareta god hygiene og halde kjølekjeda.
Kven du kan selje til
Det er ulike reglar for kven du kan selje til, avhengig av om verksemda som handterer kjøttet for deg, er registrert eller godkjend.
Varer frå registrert verksemd kan berre seljast direkte til sluttforbrukarar. Varer frå godkjend verksemd kan du også selje til andre detaljistar, til dømes ein daglegvarebutikk eller restaurant i nærleiken. Dette salet må fylgja reglane for marginal, lokal og begrensa: Unntak frå krav til godkjenning
Handtere heile slakt
Dersom du skal ta tilbake heile slakt og sjølv handtere dei vidare, må du oppfylle alle krava til ei næringsmiddelverksemd.
Lagre, splitte pakningar, pakke om / dele opp eller, fryse inn?
| Dersom du skal | må du ha |
|---|---|
| lagre | tilstrekkeleg kjøle- og frysekapasitet |
| splitte pakningar utan å eksponere produktet | rom som er eigna med vaskbare flater |
| handtere uemballert produkt ved ompakking eller oppdeling: | produksjonsrom med lett vaskbare flater i arbeidsområdet. |
| fryse inn | tilstrekkeleg kapasitet for rask innfrysing, vere planlagt og ein del av produksjonsprosessen i samarbeid med nedskjerings-/produksjonsverksemda, så snart som mogeleg etter produksjon, ha vurdert innfrysinga i eigen fareanalyse. |
Merking og sporing
Di verksemd er ansvarleg for merking av produktet. Kjem produktet frå godkjend verksemd skal deira godkjenningsmerke stå på ytteremballasjen, eller det kan også stå på forbrukarpakkane. Produksjonsverksemda kan merke forbrukarpakkane for deg, med dine kontaktopplysningar. Godkjenningsmerket kan ikkje stå på denne etiketten.
Frosne varer skal vere merka med "dypfryst" og "bør ikke fryses på nytt etter opptining, og anbefalt oppbevaringstid ved andre aktuelle oppbevaringstemperaturar.
Her finn du informasjon om dei obligatoriske krava til merking.
For kjøtt er det særskilte krav til opphavsmerking, sjå under. Det er lov å informere om kva for verksemd som har slakta og skore ned kjøttet.
Du må ha eit system for å spore produkta du får inn, og dei produkta du sel vidare til andre detaljistar. Produkt du sel direkte til sluttforbrukarar, er det ikkje krav til å spore.
Eksempel på merking av varer til sluttforbrukar
Her er holdbarhetsdato brukt som informasjon om sporing (avgrensing av parti).
Filét (av storfe, Svin, sau, geit, fjørfe) | ||
|---|---|---|
| Frysedato: | Dypfryst | Nettovekt: |
| Best før: | Frysevare: under 18 °C | Opprinnelse: Norge* |
| Lia gård, 10, 1234 LANDET, tlf. 123 45 678 | Bør ikke fryses på nytt etter opptining. (Anbefalt oppbevaringstid ved andre aktuelle oppbevaringstemperaturer). | |
* Alternativt - Født i: Norge, Oppdrettet i: Norge, Slaktet i: Norge
| Indrefilét (av viltkjøtt) | ||
|---|---|---|
| Best før: | Kjølevare 0–4°C | Nettovekt: |
| Lia gård, Liaveien 10, 1234 LANDET, tlf. 123 45 678 |
Registrering
Salet skal du registrere med aktiviteten "Detaljomsetning og servering av mat og drikke" og velje aktuelle produksjonsformer, til dømes "Gårdsutsalg". Dersom du handterer uemballert produkt, eller frys inn, skal du i tillegg registrere aktiviteten "Produksjon av kjøtt og kjøttprodukter" med produksjonsforma "Produksjon av kjøtt og kjøttprodukter – lokal og marginal omsetning".
Registrer matbedriften din hos Mattilsynet
Driver du med produksjon, import, lagring, håndtering eller salg av næringsmidler? Da må virksomheten din være registrert eller godkjent hos Mattilsynet – dette gjelder også butikker.
For å registrere virksomheten din bruker du skjemaet «Ny matbedrift» i Mattilsynets skjematjeneste.
Skjemaet skal også brukes dersom du ønsker å utvide aktiviteten i en eksisterende virksomhet med en ny aktivitet som ikke er registrert fra før.
Brukerveiledning for pålogging til Mattilsynets skjematjenester