Sal av egg frå butikk

Egg skal vere produsert, lagra, merka og seld i samsvar med regelverket i alle ledd, frå eggene er lagd og fram til dei blir seld til forbrukaren.

Sal av ikkje ferdigpakka egg i butikk

Egg kan seljast direkte frå eggprodusenten til forbrukar via butikkar i nærområdet til eggprodusenten.

Dette må du hugse på dersom du sel egg frå butikken din:

Du kan berre selje egg frå ein bonde som er registrert hos Mattilsynet som eggprodusent.
Egga frå eggprodusenten må seljast i lausvekt (på brett utan innpakking eller t.d. i frå korg).
Egga må oppbevarast ved høgst 12°C. Egg som blir seld til forbrukar innan 3 dagar etter leggedato (særleg ferske egg), er halde unna dette temperaturkravet.
Egga skal vere selde til forbrukaren seinast 21 dagar etter legging.
Du må gi forbrukaren informasjon via plakat eller liknande, om kven som er eggprodusenten og haldbardato på eggene.

Du kan også selje egg som kjem ferdig pakka i kartong frå eggprodusenten/eggpakkeriet.
Eggprodusenten må vere registrert eller godkjent som eit eggpakkeri hos Mattilsynet.
Ferdigpakka egg skal i utsalsstaden oppbevarast ved høgst 12°C.

Krava til eggprodusenten og eggpakkeriet finn du her: Produksjon av egg og eggprodukt | Mattilsynet.

Det er eggpakkeriet sitt ansvar at ferdigpakka egg i eggekartongen er merkte i samsvar med matinformasjonsforskrifta.