Privat import av planter og frø

Reglar for privat planteimport:

• Hovudregelen er at plantene i sendinga skal vera følgd av eit plantesunnhetssertifikat. (Hva er et plantesunnhetssertifikat?)
• Importsendinga skal før framkomst meldast inn til Mattilsynet. (Korleis skal importsendinga meldast inn?)
• Når sendinga er komen fram, skal du kontrollere plantene i ein mottakskontroll før du stadfester at sendinga er komme. (Kva er mottakskontrollen?)
• Nokre planter, frø og anna er det forbode å importere. Meir om dette finn du under «planter og frø m.m. som det er forbod mot å importere»

Skal du handle planter på nett eller på utlandstur, eller ta med deg planter i flyttelass frå utlandet, må du vera sikker på at det blir gjort i samsvar med regelverket som gjeld for slik import. Du som privatperson kan ikkje utan vidare ta med deg planter og andre smitteberande emne, som for eksempel jord, plantedelar og tre frå utlandet inn i Noreg.

Ved import av planter, plantedelar, jord, frø, frukt og grønsaker, er det ein risiko for at det kan følgje med uønska planteskadegjerarar som blindpassasjerar. Disse skadegjerarane kan være insekt, virus, bakteriar og andre organismar, som har eit potensiale til å gjere stor skade på plantene våre, både i jordbruket, skogbruket og naturen. I Noreg har vi derfor eit strengt regelverk som skal sikre ei god plantehelse i landet vårt. Dette avgrensar kva ein kan importere og korleis.